1. Hjálmaskylda er í Tour de Ormurinn, allir keppendur skulu vera með hjálma á meðan keppt er.
2. Keppendum er óheimilt að þiggja utanaðkomandi aðstoð í keppni. Undantekningar eru drykkir, matur, fatnaður, slöngur, dekk og verkfæri. Einnig má skipta um reiðhjól og gjarðir.
A.T.H aðeins má skipta tvisvar um reiðhjól í 68 km en fjórum sinnum í 103 km.
3. Allir sem keppa í Tour de Ormurinn gera það á eigin ábyrgð. Bendum keppendum að skoða heimilistrygginguna sína, hjólreiðakeppni fellur yfirleitt ekki yndir hana nema keypt sé auka trygging.
4. Bannað er að stytta sér leið. Yfirgefi keppandi keppnisleiðina verður hann að koma inná hana á sama stað aftur.
5. Keppandi má ekki með hegðun sinni stofna öðrum keppendum eða vegfarendum í hættu. Keppendur skulu ávallt sýna af sér íþróttamannslega hegðun.
6. Bannað er að nýta sér skjól af utanaðkomandi farartækjum í keppni að viðurlagðri brottvísun úr keppni.
7. Reiðhjólið skal vera búið góðum bremsum framan og aftan og öll öryggisatriði í lagi. Stýrisendar verða að vera lokaðir.
8. Keppandi sem veldur truflun á keppni með því að hindra eða stofna í hættu öðrum keppanda (t.d. í endaspretti) skal dæmast úr leik.
9. Á síðustu 100 m í endaspretti skal keppandi undantekningalaust halda beinni línu og hafa a.m.k. aðra hönd á stýri. Við brot á þessari reglu skal dæma keppandann í síðasta sæti í þeim hópi sem hann var í. Hafi hegðunin ekki haft nein áhrif á úrslit sprettsins er dómara heimilt að láta áminningu nægja.
10. Hægfara keppendum er skylt að víkja fyrir þeim hraðari án tafar.
11. Keppandi mælist kominn í mark þegar fremsti punktur framdekks snertir lóðlínu yfir fremri brún marklínu.
12. Liðakeppni fer aðeins fram í 68 km hringnum í blönduðum flokki.
Fer hún þannig fram: 3 eru saman í liði og hjólar aðeins 1 þeirra í einu og klárar 1/3 af vegalengdinni áður en næsti liðsmaður má taka af stað. Hver liðsmaður má aðeins hjóla 1/3 af leiðinni. Þegar kemur að skiptingu þarf framdekk þess sem er að ljúka við sinn legg fara framfyrir framdekk þess sem er að taka við. Sá sem er að taka við að hjóla má ekki trufla aðra hjólreiðamenn sem gætu farið fram úr honum meðan hann bíður eftir sínum liðsfélaga. Sá sem er að ljúka við sinn legg má ekki á nokkurn hátt trufla aðra hljólreiðamenn sem koma á eftir honum.
13. Einstaklingskeppnin fer fram í báðum vegalengdum, 68 km og 103 km. Þá keppt bæði í karla- kvennaflokki.
14. Allir keppendur eru ræstir á sama tíma fyrir neðan N1 á Egilsstöðum, (rétt fyrir framan krossgötur Austurlands, þar sem þjóðvegurinn mætir Fagradalsbraut). Keppendur í hörkutólahringnum (103 km) raða sér fremst og þar á eftir keppendur í 68 km. Tími keppenda fer ekki afstað fyrr en flagan þeirra fer yfir rásmarkið og mælist tíminn þar til flagan kemur yfir endamarkið (sem er á sama stað og rásmark).
15. Allir keppendur eiga að mæta á ráslínuna kl 8:30 með keppnisgögnin sín.
16. Keppnin hefst kl 9.00.
17. Keppni lýkur á sama stað og byrjað var á, fyrir neðan N1 á Egilsstöðum, rétt fyrir framan krossgötur Austurlands, þar sem þjóðvegurinn mætir Fagradalsbraut.
18. Frá því 2016 hefur verið sér flokkur fyrir ungmenni á aldrinum 12 – 16 ára. Keppa þeir í blönduðum unglingaflokki í 68 km. Einnig er keppt í liðakeppni í þessum flokk og gilda þá sömu reglur og í liðakeppni 68 km.
Sé einstaklingur að keppa í unglingaflokk þarf að vera skráður ábyrgðarmaður fyrir keppanda og þarf sá hinn sami að vera til staðar fyrir keppenda í brautinni (í liðakeppninni er nóg að það sé einn ábyrgðarmaður).
19. Þeir sem keppa í Unglingaflokk verða að klæðast vestum í brautinni sem keppnishaldarar afhenda þegar keppendur sækja keppnisgögnin sín. Engar undanþágur leyfðar.
20. Keppendur fá ekki keppnisgögnin sín afhent nema að þeir séu búnir að greiða keppnisgjaldið. Keppnisgjaldið fæst ekki endurgreitt eftir að lokað hefur verið fyrir skráningar.
Brot á ofangreindum ákvæðum geta varað brottvísun úr keppni.