Tour de Ormurinn er hjólreiðakeppni á Fljótsdalshéraði og í Fljótsdalshreppi. Hann hóf göngu sína árið 2012 og hefur keppandafjöldi farið stigvaxandi síðan þá. Keppnin verður haldin 15.ágúst 2020

Hjólaleiðir eru tvær, annars vegar 68 km og hins vegar 103 km og boðið er uppá einstaklings- og liðakeppni.

Keppnin er opin öllum 12 ára og eldri. Hjólað er umhverfis Löginn í styttri hringnum en inn í botn Fljótsdals í þeim lengri.

Rás- og endamark er staðsett á Egilsstöðum. Mikil áhersla er lögð á öryggismál, unnið er í góðu samstarfi við lögregluna.

Fjöldi sjálfboðaliða kemur að framkvæmd keppninnar og hafa skipuleggendur keppninnar fengið mikið hrós frá þátttakendum fyrir öfluga og sýnilega brautarvörslu.

Metnaður er lagður í að umgjörð keppninnar beri austfiskri menningu, sögu og náttúru.